政改之後，泛民主派於政壇影響力漸失，但試問佢哋點會坐以待斃等待畀人淘汰？回顧幾個月之前，大中華膠已經寫過文章宣稱自己當年參與皇后碼頭等抗爭，亦算係本土派一份子。泛民主派作為其中一員，相信會使用同一招，喺未來兩個選舉稍為修改政綱，聲稱自己係溫和本土派，爭取選民支持。
但呢一班人又有幾多係投機取巧呢？有見及此，現時有必要提高「本土」嘅標準（當然亦有其他原因, 唔單因為佢哋）。過往只要以守護香港利益為行動綱領，該組織/ 人士就可以稱作「本土」。去到宜家，呢個term已經需要重新定義。有人會列出幾點甚至幾十點，例如支持取回單程證審批權、支持正體字，以此種種界定邊個為「本土」。但咁做只會令人難明白、冇心理解，並留低漏洞，令人易於混水摸魚。
因此，「本土」嘅新定義必須清晰而精簡。「係咪本土？」需要改成另一個問題:「你係香港人定中國人？」，回答嘅人唔可以留白，港中之間嘅衝突佢只可以選擇效忠其中一方。若殖民主派有人選擇香港一方，可以界定佢有心轉型，暫時先保持觀察﹔含糊其辭或者支持中國一方，則一律當作賣港賊, 必須摒棄、聲討。
。
當然，上述嘅標準只係適用於現階段。未來幾年，香港人需要嘅標準係「香港人或華人」(Hongkongese or Chinese)。不過此討論不必急在一時，容後再討論。
作者: 問道者(1261)
圖片取於網上,keywords：本土派，泛民
歡迎投稿(字數不限)
galsoundyt@gmail.com
(以上內容全屬作者之個人意見,與GalasoundHK無關)
GalSoundHK
政局不穩，人心惶惶 港共同蝗蟲痾到現實周地屎 我地仲有d乜？ 我地係Galsound！我地有力量！ 聲音就是力量 我地就係要報一啲主流媒體唔報既事 (本團隊來自膠登討論區 www.hkgalden.com)
galsoundhk 
Leave a comment